Երբ ՔՊ երեսփոխանները հայտնվեն ձեր բնակավայրերում, հարցրեք, թե մինչև որտե՞ղ են հայրենիքը ծախելու

Պատճառը, թե ինչու իշխող, իսկ իրականում ուղղակի ադրբեջանական քաղաքականությունը Հայաստանում իրականացնող խմբակցության ներկայացուցիչներ չկան այստեղ, շատ պարզ է՝ իշխող խմբակցության պատգամավորները լծված են ՏԻՄ ընտրություններում քարոզչություն իրականացնելու գործին։ Ազգային ժողովում քննարկման ժամանակ ասաց «Պատիվ ունեմ» խմբակցության պատգամավոր Հայկ Մամիջանյանը։

«Խնդրանքս այս պահին քաղաքացիներին հետևյալն է՝ երբ ՔՊ երեսփոխանները հայտնվեն ձեր բնակավայրերում, փորձեն քարոզել իրենց թեկնածուներ համար, ուղիղ մոտեցեք իրենց ու հարցրեք՝ էդ ո՞նց է ստացվում, որ ավելի կարևոր գործ է ՏԻՄ ընտրություններում իրենց թեկնածուների առաջխաղացումը, քան Սյունիքում ստեղծված իրավիճակի քննարկումը»,- ասաց նա։