Նոյեմբերի 8-ի հանրահավաքը հանրության համար հետաքրքիր կլինի․ պետք է դիմադրության զգացումն արթնանա․ Վարդևանյան

Հասարակութունից հիմնական ակնկալիքը համազգային դիմադրության ձևավորումն է, դիմադրության զգացման արթնացումը, դրանից կբխեն հետագա գործողությունները։ Այս մասին Yerevan.Today-ի հետ զրույցում ասաց «Հայաստան» խմբակցության պատգամավոր Արամ Վարդևանյանը։

«Այն վիճակում, որ մենք հիմա հայտնվել ենք՝ որպես ազգ, որպես ՀՀ, իսկապես բարդ է, և մեր դիմադրության կոնցեպտը նրանում է, որ պետք է դիմադրենք այդ բարդություններին։ Այս իշխանություններն էլ են ընկալում, որ իրենք չեն կարողանում դիմադրել այդ փորձություններին, որոնվհետև իրենք ավելի շատ փորձություն են բերում, ոչ թե փորձություն են լուծում կամ հաղթահարում»,- նշեց պատգամավորը։ 

Նա վստահ է, որ նոյեմբերի 8-ի հանրահավաքը հանրության համար հետաքրքիր կլինի։

«Տևական ժամանակ է՝ այդ օբյեկտիվ պահանջը կա, և այդ քննադատությունը ես ընդունում եմ, եղել է հանրահավաքի հանրային պահանջ, մնացածը օրերի հարց է։ Ես շատ ցանկանում եմ, որ հնարավորինս շատ մեր հայրնակիցներից մասնակցեն այդ հանրահավաքին»,- ասաց Վարդևանյանը։

Մանրամասն՝ տեսանյութում։