«Պատիվ ունեմ» խմբակցությունը Փաշինյանի հետ կարող է քննարկել միայն իր հրաժարականի հարցը. Մամիջանյան

«Պատիվ ունեմ» խմբակցության պատգամավորները Նիկոլ Փաշինյանի հրավերով այս պահին կարող են քննարկել միայն նրա հրաժարականի տեքստը։ Այս մասին ԱԺ-ում հայտարարեց «Պատիվ ունեմ» խմբակցության պատգամավոր Հայկ Մամիջանյանը՝ կառավարության հետ հարցուպատասխանի ժամանակ։

Մամիջանյանի հայտարարությունից հետո խորհրդարանում աղմուկ բարձրացավ։

Պատգամավորը նշեց, որ մնացյալ բոլոր դեպքերի համար կառավարությունը և դրա ղեկավարը հաշվետու են ԱԺ-ին։ 

«Կհրավիրվեն ամենատարբեր ձևաչափերի, հրատապ նիստերի շրջանակներում ԱԺ ու կզեկուցեն, թե այդ հարցերի շուրջ ի՞նչ իրավիճակ է ու տեղի կունենա քննարկում»։

Մամիջանյանը նշեց, որ հարց տալու այլ ճանապարհ կգտնի, որովհետև խորհրդարանում տիրող իրավիճակում հարց տալ չի պատրաստվում։

«ԱԺ-ում ստեղծված նման մթնոլորտում հարց տալու իմաստ չի տեսնում»,-ասաց պատգամավորը։