Բաքուն արգելափակել է իրանական Sahar TV հեռուստաալիքի կայքի ադրբեջանական բաժնի մուտքը

Ըստ Caucasus Facts News կայքի՝ Ադրբեջանի Հանրապետությունում փակվել է Sahar Azeri Network կայքի մուտքը azeri.sahartv.ir հասցեով, որի հիմնական բովանդակությունը բաղկացած էր Sahar հեռուստաընկերության հաղորդումներից։ Ադրբեջանի կապի եւ տեղեկատվության նախարարությունն այս առնչությամբ որեւէ պարզաբանում չի տվել. գրում է Qafqaz.ir-ը։

Նշենք, որ Sahar-ը ադրբեջանական հասարակության շրջանում բավական տարածված է: 

Ադրբեջանը Իրանի հետ վերջին լարվածությունից հետո սկսել է երկրում որոշակի հակաիրանական միջոցառումներ իրականացնել. ձերբակալվում են շիա կրոնական գործիչներ, փակվում այաթոլլա Ալի Խամենեիի գրասենյակը և այլն: