Կրեմլը հայտարարել է Պուտինի և Իրանի նախագահի հանդիպման պատրաստակամության մասին

Ռուսաստանը և Իրանը պատրաստ են անցկացնել այդ երկրների առաջնորդներ Վլադիմիր Պուտինի և Իբրահիմ Ռաիսիի հանդիպումը, որի ամսաթիվը կորոշվի՝ հաշվի առնելով համաճարակաբանական իրավիճակը.  ասել է ՌԴ նախագահի մամուլի քարտուղար Դմիտրի Պեսկովը:

«Իհարկե, կա նման հանդիպում անցկացնելու անհրաժեշտության ըմբռնում, կա երկու կողմերի՝  նման հանդիպում անցկացնելու պատրաստակամություն: Նախապատրաստական աշխատանքներն ընթանում են»,- լրագրողներին ասել է Պեսկովը:

«Երբ դա անպայման տեղի կունենա, կորոշվի դիվանագիտական ուղիներով՝ հաշվի առնելով, թե ինչպես է զարգանում համաճարակաբանական իրավիճակը: Բայց դա, իհարկե, չի կարելի բացառել»,- հավելել է նա՝ պատասխանելով հարցին, թե արդյո՞ք հանդիպումը կարող է տեղի ունենալ մինչև տարեվերջ: