Հոկտեմբերին կբարձրացվի ռուս-վրացական հարաբերությունների հարցը

Հոկտեմբեր ամսվա երկրորդ կեսին նախատեսվում է հանդիպում Ռուսաստանի Դաշնության խորհրդի անդամ Գրիգորի Կարասինի և Ռուսաստանի Դաշնության հետ հարաբերությունների գծով Վրաստանի վարչապետի հատուկ ներկայացուցիչ Զուրաբ Աբաշիձեի միջև:

Նրանք կքննարկեն տնտեսությունը, տրանսպորտը, շփումները և երկկողմ հարաբերությունների այլ ասպեկտներ:

Ըստ Կարասինի՝ Ռուսաստանի և Վրաստանի միջև օդային հաղորդակցության վերականգնման հարցը կքննարկվի` կախված իրավիճակից: Թե որտեղ տեղի կունենա հանդիպումը, դեռ որոշված չէ:

Երկրները չունեն դիվանագիտական հարաբերություններ: Նրանց միջև երկխոսությունը պահպանվում է Ժնևյան քննարկումների և Կարասինի ու Աբաշիձեի միջև բանակցությունների շրջանակներում 2012 թվականից: