Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Կառավարության վաղվա նիստում հավանության է դրվելու որոշման նախագիծ, որը նպատակ ունի կարգավորել օրենսդրական դաշտը` կապված շինարարության ոլորտում պետական պատվերի, օտարերկրյա պետությունների և միջազգային կազմակերպությունների աջակցությամբ վարկային, ինչպես նաև դրամաշնորհային ծրագրերի շրջանակներում իրականացվող շինարարական աշխատանքների ծավալների վերահսկման հետ:
Կառավարության` դեռևս 2014 թվականի որոշմամբ` հանձնարարվել էր պետական կառավարման մարմինների ղեկավարներին՝ յուրաքանչյուր եռամսյակի ավարտից հետո, էլեկտրոնային եղանակով, ՀՀ քաղաքաշինության նախարարություն ներկայացնել պետական պատվերի շրջանակներում իրականացված շինարարական ծավալների մասին տեղեկատվություն: Սակայն ընթացքում պարզվել է, որ հանրապետությունում մեծ ծավալ են կազմում օտարերկրյա պետությունների և միջազգային կազմակերպությունների աջակցությամբ իրականացվող վարկային և դրամաշնորհային ծրագրերը, որոնց միջոցով իրականացվող շինարարական աշխատանքների ծավալների վերաբերյալ տեղեկատվությունների հավաքագրումը կատարվում է մեծ դժվարությամբ և թերություններով:
Նախագծի ընդունմամբ ակնկալվում է շինարարության ոլորտում` պետական պատվերի, օտարերկրյա պետությունների և միջազգային կազմակերպությունների աջակցությամբ իրականացվող վարկային, ինչպես նաև դրամաշնորհային ծրագրերի շրջանակներում, իրականացված աշխատանքների ծավալների` ՀՀ օրենսդրությամբ սահմանված հարկային պարտավորությունների ճիշտ և ժամանակին հաշվարկման նկատմամբ հսկողության արդյունավետության բարձրացում, ինչպես նաև կատարված աշխատանքների ընթացքի մասին տեղեկատվության հավաքագրում և ամբողջական պատկերի ստացում: