Հրդեհ 《Ջրվեժ》անտառպարկում, այրվել են Ղրիմյան սոճիներ և այլ բուսատեսակներ

ՀՀ շրջակա միջավայրի նախարարության 《Ջրվեժ》անտառպարկի նախկին տնօրեն Լևոն Գաբրիելյանը տեսանյութը է հրապարակել՝ տեղեկացնելով, որ այրվել են անտառպարկի Ղրիմյան սոճիները և այլ բուսատեսակներ։ Ստորև ներկայացնում ենք տեսանյութը և Լևոն Գաբրիելյանի՝ այդ առթիվ արված հրապարակումը.

«Նախկինում ի պաշտոնե, իսկ հիմա որպես ՀՀ քաղաքացի, կրկին դիմում եմ մեր քաղաքացիներին կոչ-խնդրանքով՝ բնության գրկում պահպանեք առավելագույն զգոնություն, ամառվա այս շրջանում անգամ փոքր կրակը կարող է հանգեցնել անդառնալի հետևանքների՝ հայրենի բնության հրաշք անկյունների վերացման։ Ցավոք այսօր «Ջրվեժ» անտառպարկում բռնկված մեծ հրդեհը իր ողբերգական հետևանքները թողեց։ Հրդեհն արդեն մարված է՝ հրշեջ ծառայության, անտառպարկի աշխատակիցների և անտառպարկում առկա վարձակալների աշխատանքների շնորհիվ։ Հուսանք աշնանային ծառատունկների շրջանում այրված Ղրիմյան սոճիների փոխարեն կտնկվեն նույն տեսակի տնկիներ»։