Իսրայելը Գազայում խոցել է 35 ռազմական թիրախ և 15 կմ թունել

Իսրայելական բանակը Գազայի հատվածում հարվածներ է հասցրել 35 ռազմական օբյեկտների և 15 կմ ստորգետնյա կառույցների: Այս մասին ասվում է Twitter-ում իսրայելական ՊՆ-ի հայտարարության մեջ:

«Իսրայելի Պաշտպանության ուժերը հարվածների երրորդ ռաունդն անցկացրին ՀԱՄԱՍ-ի՝ Գազայի հատվածի հյուսիսում գտնվող թունելային համակարգին: Հարձակման ընթացքում 54 կործանիչ խոցել է ահաբեկչական 35 թիրախ և 15 կմ թունելային համակարգ»,- ասվում է հաղորդագրության մեջ:

Ավելի վաղ Իսրայելի պաշտպանության ուժերը հայտարարել էին, որ Պաղեստինի և Իսրայելի միջև հակամարտության սրման ընթացքում մայիսի 10-ից Գազայի հատվածից 3150 հրթիռ է արձակվել Իսրայելի ուղղությամբք: Իսրայելի «Երկաթե գմբեթ» հակահրթիռային պաշտպանության համակարգը որսացել է հրթիռների շուրջ 90%-ը: