Իսրայելը Գազայում և Լիբանանում սպիտակ ֆոսֆորով զինամթերք է օգտագործել

Մարդու իրավունքների պաշտպանությամբ զբաղվող Human Rights Watch կազմակերպությունը Իսրայելին մեղադրել է Գազայում և Լիբանանում իր ռազմական գործողություններում սպիտակ ֆոսֆորով զինամթերք օգտագործելու մեջ՝ ասելով, որ նման զենքի օգտագործումը խաղաղ բնակիչներին դնում է լուրջ և երկարատև վնասվածքներ ստանալու վտանգի տակ: Այս մասին նշվում է կազմակերպության տարածած հայտարարության մեջ։

«Human Rights Watch-ը ստուգել է 2023 թվականի հոկտեմբերի 10-ին և 11-ին համապատասխանաբար Լիբանանում և Գազայում արված տեսանյութերը, որոնք ցույց են տալիս հրետանու կողմից արձակված սպիտակ ֆոսֆորի բազմաթիվ օդային պայթյուններ Գազա քաղաքի նավահանգստի և Իսրայել-Լիբանանյան սահմանի երկայնքով երկու գյուղական վայրերում, ինչպես  նաև հարցազրույց է վերցրել երկու մարդկանցից, ովքեր նկարագրել են Գազայում տեղի ունեցած հարձակումը», - նշում է կազմակերպությունը։