Իսրայելը հարված Է հասցրել «Իսլամական ջիհադ» խմբավորման հրամանատարին Գազայում

Իսրայելի պաշտպանության բանակը նոյեմբերի 11-ի լույս 12-ի գիշերը Գազայի հատվածում հարված Է հասցրել պաղեստինյան «Իսլամական ջիհադ» արմատական խմբավորման հրամանատարի. ըստ Yerkir.am-ի՝ հայտնում է ՏԱՍՍ-ը՝ հրեական պետության վարչապետ Բինյամին Նեթանյահուի վարչակազմի հայտարարությանը հղումով:

«Գիշերը Գազայում հարված է հասցվել «Իսլամական ջիհադի» ավագ հրամանատար Բահա Աբու ալ Աթային: Նա պատասխանատու Է բազմաթիվ ահաբեկչական գործողությունների, ինչպես նաև վերջին ամիսներին Իսրայելի տարածքի հրթիռակոծումների համար»,- նշված է հայտարարությունում:

Իսրայելի Kan պետական ռադիոկայանը, վկայակոչելով պաղեստինյան աղբյուրներ, տեղեկացրել է, որ ալ Աթան Գազայի հատվածում իրականացված գիշերային գրոհի հետևանքով սպանվել Է, ևս երեք մարդ վիրավորվել Է: