Թուրքիան վերացնում է խիստ կարանտինը

Մայիսի 17-ից Թուրքիայում վերացվել է խիստ կարանտինը՝ կորոնավիրուսի նոր դեպքերի թվի նվազման պատճառով: Այս մասին հայտնում են տեղական լրատվամիջոցները: Սահմանափակումները նախատեսվում է վերացնել փուլ առ փուլ:

Ոչ պարենային և մթերային խանութները բաց կլինեն շաբաթ և կիրակի օրերին՝ ժամը 10: 00-17:00:

Աշխատանքային օրերին պարետային ժամը կգործի 21:00-ից 05:00-ն: Հասարակական սննդի օբյեկտները բաց կլինեն ամբողջ շաբաթ՝ 07:00-20:00: Սրճարանները, թեյարանները, կինոթատրոնները, ինտերնետ-սրճարանները, լողավազաններն ու մարզադահլիճները մայիսի 17-ից հունիսի 1-ը փակ կլինեն:

18 տարեկանից ցածր անձինք, 65 տարեկանից բարձր բնակիչները և կորոնավիրուսի դեմ լիարժեք պատվաստվածները չեն ենթարկվի պարետային ժամի:

Վերջին տվյալների համաձայն՝ Թուրքիայում գրանցվել է 5,117,374 դեպք, ապաքինվել է 4,947,256 մարդ, մահացել՝ 44,760-ը: