Պեսկովը Բայդենի կողմից Հայոց ցեղասպանության ճանաչումը համարել է «համ նալին, համ մեխին» խփել

ԱՄՆ նախագահ Ջո Բայդենի կողմից Հայոց ցեղասպանության ճանաչումը, ամենայն հավանականությամբ, համ նալին, համ մեխին խփելու (բնօր.՝ кнут и пряник – մտրակի ու քաղցրաբլիթի) խաղի մի մասն է, այլ ոչ թե հայ ժողովրդին համակրելու և պատմությունը հասկանալու ցանկություն: Այս մասին Առաջին ալիքի եթերում հայտարարել է Ռուսաստանի նախագահի մամուլի քարտուղար Դմիտրի Պեսկովը:

«Կարծում եմ, որ, ամենայն հավանականությամբ, Վաշինգտոնի կողմից ցեղասպանության  ճանաչումը սիրված՝ համ նալին, համ մեխին խփելու խաղի բաղկացուցիչ մասն է»,- ասել է նա։

Պեսկովի խոսքով՝ դա «ոչ հայ ժողովրդին կարեկցելու ցանկություն է, ոչ էլ Օսմանյան կայսրության պատմությունը խորապես հասկանալու ցանկություն»: