Գուցե ինչ-որ մեկը կատակել է. հեռախոսահամարը չի պատկանում նախարարության համակարգին. ԱՆ-ից արձագանքել են քովիդի թեստ չհանձնած, բայց պատասխան ստացած փաստաբանին

Առողջապահության նախարարությունից արձագանքել են փաստաբան Վահան Հովհաննիսյանին՝ նշելով, որ նշված հեռախոսահամարը նախարարության համակարգինը չէ:

Հիշեցնենք, որ փաստաբանը ֆեյսբուքյան էջում հայտնել էր, որ կորոնավիրուսի թեստ չի հանձնել, բայց հեռախոսահամարին հաղորդագրություն է ստացել, որ իր թեստի պատասխանը դրական է:

Ձեր սքրինշոթում նշված հեռախոսահամարը չի պատկանում մեր համակարգինՄեր կողմից ուղարկված հաղորդագրություններում, որպես հաղորդագրության ուղարկող նշվում է` ՀՀ ԱՆ-ն։ Այս պարագայում` համաձայն սքրինշոթի` նշված է այլ հեռախոսահամար: Գուցե ինչ-որ մեկը կատակել է: Ինչպես նաև խորհուրդ ենք տալիս առանց հիմքերի չզրպարտել պետական գերատեսչությանը։

Հարգելի Վահան, տեղեկացնենք նաև, որ քովիդ դրական թեստի պատասխանի առկայության դեպքում sms հաղորդագրությունն ուղարկվում է ավտոմատ կերպով` Արմեդ համակարգից, նմուշառման ժամանակ տրամադրված հեռախոսահամարին», - նշված է պարզաբանման մեջ։