Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Իրանի անվտանգության ուժերը վնասազերծել են երկրի հարավ-արևմուտքում ռազմական օբյեկտի վրա զինված հարձակում գործած երկու ահաբեկիչների: Այս մասին կիրակի հաղորդել է ISNA գործակալությունը՝ հղում անելով Իսլամական հեղափոխության պահապանների կորպուսի մամուլի ծառայությանը։
Դեպքը տեղի է ունեցել Խուզեստան նահանգում: Հարձակվողները կրակել են ուժայինների ուղղությամբ և մտադրություն են ունեցել մտնելու ռազմական օբյեկտ: Երկու ահաբեկիչներն էլ վիրավորվել են, հետագայում նրանցից մեկը մահացել է հիվանդանոց տեղափոխման ժամանակ: Հարձակվողներից առգրավվել են ավտոմատներ ու զինամթերք:
Գործակալության տվյալներով՝ չեզոքացված արմատականները կապված են Իրանում արգելված «Ահվազի ազատագրման արաբական շարժում» անջատողական կազմակերպության հետ, որի նպատակը իրանական Խուզեստան նահանգի (հիմնականում արաբաբնակ) անջատումն է Իրանից։