Չեմպիոնների լիգայում հաջողության համար թիմը պետք է ցուցադրի իր լավագույն ֆուտբոլը. Ֆլիկ

Գերմանիայի չեմպիոն եւ գավաթակիր, Չեմպիոնների լիգայի գավաթակիր Մյունխենի «Բավարիայի» գերմանացի գլխավոր մարզիչ Հանս-Դիտեր Ֆլիկը իտալական «Լացիոյի» դեմ Չեմպիոնների լիգայի 1/8 եզրափակիչի առաջին հանդիպումից առաջ խոսել է այս մրցաշարում հաջողության գրավականի մասին։

«Չեմպիոնների լիգայում հաջողության հասնելու համար թիմը միշտ պետք է ցուցադրի իր լավագույն ֆուտբոլը։ Դրանք առանձնահատուկ հանդիպումներ են բոլոր թիմերի համար։ Մեր ֆուտբոլիստներից սպասում եմ բարձր մոտիվացիա։

Մենք ունենք հստակ պատկերացում, թե ինչ խաղ ենք ցանկանում ցուցադրել։ Այդ ծրագիրը պետք է կյանքի կոչել խաղադաշտում առաջին րոպեից։ Ես բացարձակ վստահում եմ թիմին»,- Ֆլիկի խոսքը մեջբերում է ակումբի մամուլի ծառայությունը։

«Լացիո» - «Բավարիա» հանդիպումը տեղի կունենա փետրվարի 23-ին։