Այս պահին Երևանում sett-weather
Փոխարժեքներ 25 12 2025
USD ⚊ $ 381.46
EUR ⚊ € 449.97
RUB ⚊ ₽ 4.8446
GBP ⚊ £ 515.54
GEL ⚊ ₾ 141.54
կարևոր
0 դիտում, 4 տարի առաջ - 2021-01-11 11:47
Քաղաքական

Դուք տեղ չունեք ՀՀ ԱԺ-ում, եթե արժանապատվության, ինքնասիրության նշույլ կա ձեր մեջ, դուրս եկեք «Իմ քայլ»-ից ու ՔՊ-ից և միացեք ժողովրդին. ՀՅԴ Երևանի ՔԿ

Դուք տեղ չունեք ՀՀ ԱԺ-ում, եթե արժանապատվության, ինքնասիրության նշույլ կա ձեր մեջ, դուրս եկեք «Իմ քայլ»-ից ու ՔՊ-ից և միացեք ժողովրդին. ՀՅԴ Երևանի ՔԿ

ՀՅԴ Երևանի Քաղաքային կոմիտեն պաշտոնական էջում հայտարարություն է տարածել, որը ներկայացնում ենք ստորև.

«ԱԺ պատգամավոր Սոֆիա Հովսեփյանի «Իմ քայլը» խմբակցությունից դուրս գալուց հետո նույն խմբակցության անդամներ սկսեցին տարածել այն գաղափարը, որ Ս․Հովսեփյանը ընտրվել է Նիկոլ Փաշինյանի անվան շնորհիվ, ու եթե Փաշինյանի պայուսակն էլ լիներ թեկնածու՝ ընտրվելու էր ԱԺ-ի անդամ։

Սոֆիա Հովսեփյանի և «Իմ քայլ»ից դուրս եկած մյուս պատգամավորների մասին այս թեզը տարածելով՝ հիշյալ խմբակցության պատգամավորները՝
 
1 - ընդունում են որ, իրենք բոլորն էլ նվազ արժանիքներ ունեն, քան Նիկոլի պայուսակը, շիշը կամ սելֆիի փայտիկը,
 
2 - ընդունում են, որ իրենց հավատարմությունը առաջին հերթին Նիկոլ Փաշինյանի նկատմամբ է և ո՛չ Հայաստանի Հանրապետության, Հայաստան հայրենիքին ու հայ ժողովրդին,
 
3 - անպատվում են ՀՀ «հպարտ» քաղաքացիներին, որոնք քվեարկել են իրենց օգտին՝ համարելով որ նրանք անկարող են հասկանալ անհատի արժանիքները և ի վիճակի չեն ազատ ընտրություն կատարելու։
 
Հետևաբար, դուք տեղ չունեք ՀՀ ԱԺ-ում։ Իսկ եթե ուզում եք հակառակը փաստել, եթե արժանապատվության, ինքնասիրության նշույլ կա ձեր մեջ, դուրս եկեք «Իմ քայլ»-ից ու ՔՊ-ից և միացեք ժողովրդին։ Այլապես, դուք էլ եք կանգնելու ՀՀ Արդարադատության, հայ ժողովրդի և պատմության դատաստանների առաջ»:
 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը