«Մեկ քայլ առաջ»-ը պրիմիտիվ քայլ է, պետք է 100 քայլ առաջ գնալ և կոնկրետ պահանջներ դնել. Նիկոլ Աղաբաբյան

«Մեկ քայլ առաջ»-ը պրիմիտիվ քայլ է, պետք է 100 քայլ առաջ գնալ և կոնկրետ պահանջներ դնել. այսօր լրագրողներին ասաց գեղանկարիչ Նիկոլ Աղաբաբյանը` խոսելով Բաղրամյան պողոտայում էլեկտրաէներգիայի դեմ պայքարողների վերջին հայտարարության մասին: Հիշեցնենք, որ ակտիվիստները հայտարարել էին, որ այսօրվանից` ժամը 21-ից, եթե իշխանությունը քայլեր չձեռնարկի էլեկտրաէներգիայի գնի բարձրացման որոշումը չեղարկելու ուղղությամբ, իրենք մեկ քայլ առաջ են գնալու, և այդպես` ամեն օր:

Աղաբաբյանի կարծիքով` մեզ շատ են վախեցնում բախումներով, սակայն իշխանությունը ոչինչ չի զիջի, եթե չպարտադրենք: «Պետք չի վախենալ բախումներից, պետք է ուղղակի ցույց տալ մեր ուժը, այն, ինչին ենք մենք ընդունակ»,- ասաց նա: