Մեր նպատակն է դավաճան վարչապետին կոչ անել՝ հեռանալու այդ աթոռից․ բողոքի ակցիայի մասին զգուշացում՝ կառավարության դիմաց

«Առանց Նիկոլ Հայաստան» վանկարկելով՝ մի խումբ երիտասարդներ բողոքի ակցիա են նախաձեռնել կառավարության դիմաց՝ հայտնում է Yerkir.am-ը։

Ակցիայի մասնակիցներից՝ ԲՀԿ երիտասարդական միության նախագահ Աշոտ Անդրեասյանը տեղեկացրեց, որ իրենց նպատակն է դավաճան վարչապետին կոչ անել՝ հեռանալու այդ աթոռից։

«Բուն ակցիան սկսելու ենք ժամը 13։00-ին, որտեղ փոխանցելու ենք Փաշինյանին այն դոլարները, որով գործարքի է գնացել Ալիևի հետ և ծախել է մեր հայրենիքը։ Մենք ակցիաներ ենք անելու այնքան ժամանակ, մինչև դավաճան վարչապետն իր ամբողջ թիմով հրաժարական տա և պատասխանատվություն կրի օրենքի առաջ»,-ասաց Աշոտ Անդրեասյանը։

Նա նշեց, որ այժմ կառավարության դիմաց են, քանի որ ցանկանում են իրազեկել ոստիկաններին ու իրավապահներին, որ ժամը 13։00-ին այստեղ ակցիա ունեն իրականացնելու։