Հայաստանն Ադրբեջանին է վերադարձրել Դիլհամ Ասկերովին և Շահբազ Գուլիևին

Հայաստանի և Ադրբեջանի միջև գերիների փոխանակման գործընթացը սկսված է։ Այն իրականացվում է «բոլորը բոլորի դիմաց» սկզբունքով, ռուս խաղաղապահների մասնակցությամբ, հաղորդում է ՌԻԱ Նովոստին։

Ադրբեջանական լրատվամիջոցների հաղորդմամբ՝ Դիլհամ Ասկերովն ու Շահբազ Գուլիևը ազատ են արձակվել և այժմ Բաքվում են։

Հիշեցնենք՝ նրանք կազմակերպված հանցավոր խմբով 2014 թվականի հունիսին անօրինական հատել էին ԱՀ պետական սահմանը, առևանգել և սպանել անչափահաս Սմբատ Ցականյանին, ինչպես նաև նույն հանցավոր խմբով կյանքից զրկել Երևան քաղաքի Ա.Սարգսյան փողոցի թիվ 6 շենքի բնակիչ, 1971թ. ծնված Սարգիս Սամվելի Աբրահամյանին։ Ասկերովն ու Գուլիևը ցմահ ազատազրկման էին դատապարտվել։