Մակրոն. Իսլամիստական ​​ահաբեկչությունը միջազգային սպառնալիք է

Մոզամբիկում քաղաքացիական անձանց վրա վերջերս կատարված հարձակումների մասին հաղորդագրություններն ընդգծում են իսլամիստական ահաբեկչության կողմից միջազգային հանրությանը սպառնացող վտանգը, գրել է Ֆրանսիայի նախագահ Էմանուել Մակրոնը Twitter-ում:

Վերջին օրերին «Իսլամական պետության» հետ կապված զինյալների կողմից իրականացված հարձակումների արդյունքում շուրջ 50 մարդ է մահացել, հայտնում են տեղական լրատվամիջոցները:

«Մոզամբիկում ավելի քան 50 մարդ է գլխատվել, կանայք առեւանգվել են, գյուղերը կողոպտվել են, ապա` հրդեհվել: Բարբարոսները խաղաղության կրոնն օգտագործում են ահաբեկչություն սերմանելու համար. Իսլամիստական ահաբեկչությունը միջազգային սպառնալիք է, որը միջազգային արձագանք է պահանջում»,- գրել է Մակրոնը: