Մակրոնը կհանդիպի Հայաստանի և Ադրբեջանի ղեկավարների հետ

Ռուսաստանի Դաշնությունը, Հայաստանը և Ադրբեջանը համաձայնագիր են ստորագրել Լեռնային Ղարաբաղի հակամարտության վերաբերյալ, որը կնքվել է մի քանի շաբաթ տևած մարտերից հետո: Ամբողջ ընթացքում Ֆրանսիան անշեղորեն իր վրա էր վերցրել բռնությանը լիովին վերջ տալու և հակամարտությունը բանակցային ճանապարհով լուծելու պարտավորությունը. ասվում Ելիսեյան պալատի կայքում հրապարակված հայտարարությունում:

Ըստ հաղորդագրության՝ Ֆրանսիան համաձայնագրի պայմանների վերլուծության փուլում է և ակտիվորեն խորհրդակցություններ կվարի Ռուսաստանի հետ՝ Հայաստանի շահերը պահպանող և հարգող քաղաքական կայուն լուծման հասնելու համար: Բացի այդ՝ Ֆրանսիայի նախագահ Էմանուել Մակրոնը շուտով կհանդիպի նաև Հայաստանի և Ադրբեջանի ղեկավարների հետ:

Ֆրանսիան վճռականորեն կոչ է անում Թուրքիային՝ դադարեցնել սադրանքները Լեռնային Ղարաբաղի շուրջ, ցուցաբերել զսպվածություն և չձեռնարկել ոչինչ, ինչը կվտանգի կողմերի միջև Մինսկի խմբի շրջանակում երկարաժամկետ համաձայնագրի կնքմանը։

Այս պահի դրությամբ առաջնահերթությունը պետք է տրվի մարտական գործողությունների կայուն դադարեցմանն ու հրադադարի ռեժիմի պահմանմանը: