Բաքուն չի աջակցել Արցախում կարգավորման նոր մեխանիզմի ստեղծմանը

Բաքուն ելնում է նրանից, որ Ղարաբաղյան հակամարտության կարգավորման նոր մեխանիզմ անհրաժեշտ չէ, և պատրաստ է օգտագործել առկա բոլոր հնարավորությունները. ՌԻԱ «Նովոստի»-ին հայտնել է Ադրբեջանի նախագահի օգնական Հիքմեթ Հաջիևը։

«Այս պահին գոյություն ունի ձևաչափ՝ ԵԱՀԿ Մինսկի խումբը: Բայց ամեն ինչ կախված է նրանից, որ նոր մեխանիզմ ստեղծելու անհրաժեշտություն չկա»,- պատասխանել է նա հարցին, թե արդյո՞ք անհրաժեշտ է բանակցությունների և կարգավորման բանաձևերի նոր ձևաչափեր մշակել:

«Այս պահին կան տարբեր կարծիքներ՝ ստեղծել շփման խումբ, շփման մեխանիզմներ: Բայց, միևնույն ժամանակ, կա ԵԱՀԿ Մինսկի խմբի ձևաչափը: Ադրբեջանը պատրաստ է օգտագործել բոլոր հնարավորությունները: Ամենակարևորը` գտնել հակամարտության քաղաքական լուծումը և ապահովել Ադրբեջանի գրավյալ տարածքների ազատագրումը, ինչպես նաև խաղաղության և անվտանգության ապահովումը Հարավային Կովկասում»,- ամփոփել է Հաջիևը՝ Հայաստանի մեղադրելով ապակառուցողական քաղաքականության մեջ։