Քիչ առաջ վերադարձա Հադրութ քաղաքից, թշնամին անտեսելով հումանիտար հրադադարի մասին պայմանավորվածությունը, դիվերսիոն հարձակում էր գործել շրջկենտրոնի ուղղությամբ․ ԱՀ նախագահ

«Քիչ առաջ վերադարձա Հադրութ քաղաքից։ Ինչպես գիտեք, թշնամին, անտեսելով հումանիտար հրադադարի մասին պայմանավորվածությունը, դիվերսիոն հարձակում էր գործել շրջկենտրոնի ուղղությամբ»,- ֆեյսբուքյան էջում գրել է Արցախի հանրապետության նախագահ Արայիկ Հարությունյանն ու տեղեկացրել․«Իրավիճակն այս պահին լրիվությամբ գտնվում է Պաշտպանության բանակի վերահսկողության տակ։ Իսկ առկա պայմանավորվածությունների և դրանց խախտման վերաբերյալ կխոսեմ կայանալիք մամուլի ասուլիսի ժամանակ։ Հուսամ այս անգամ նոր խոչընդոտներ չեն լինի»,- ասել է Ա․ Հարությունյանն ու կրկին հայցելով բոլորի ներողամտությունը՝ տեղեկացրել, որ տեխնիկական մի շարք պատճառներով պայմանավորված, այսօր՝ ժամը 17:00-ին նախատեսված մամուլի ասուլիսը կրկին հետաձգվում է մինչև օրվա վերջ․ «Ստույգ ժամի մասին լրացուցիչ տեղյակ կպահեմ»,- գրել է ԱՀ նախագահը։