03 05 2024
|
||
---|---|---|
EUR | ⚊ | 416.1 |
GBP | ⚊ | 486.4 |
GEL | ⚊ | 144.64 |
RUB | ⚊ | 4.23 |
USD | ⚊ | 387.32 |
«Շուշիից վերադարձա, նայեցի ուղիղ Փաշինյանի աչքերին ու ասացի՝ «պռավալ» ես տվել, պետք է գնաս» ,-«Զանգ» շարժման հրավիրած հավաքի ժամանակ նշեց ադրբեջանագետ Տաթև Հայրապետյանը։ Նա մանրամասնեց, որ 44-օրյա պատերազմի ժամանակ Փաշինյանը իր ֆրակցիայի հետ ոչ մի հանդիպում չի ունեցել։ Դա տեղի է ունեցել ընդամենը նոյեմբերի 9-ից հետո։ Հայրապետյանը նշեց, որ այդ ժամանակ թեպետ բաց չի պահանջել Փաշինյանի հրաժարականը, սակայն ֆրակցիայի ներսում միշտ բարձրաձայնել է այդ հարցը։
Շարժման անդամները փոքրիկ վրանով, «Ահազանգ» գրությամբ պաստառով այսօր էլ շրջել են Երևանի փողոցներով՝ անընդհատ հնչեցնելով զանգը, իսկ հետո հավաքվելով Մաշտոցի պուրակում պահանջել Փաշինյանի հրաժարականը։ Ոստիկանությունը բերման է ենթարկել շարժման նախաձեռնած ակցիայի 13 մասնակցի, որոնք շրջապատած պաշտպանում էին Մաշտոցի պուրակում տեղադրված վրանը։