«Վերջին բարձունքը»․ նոր բանաստեղծություն՝ Արցախյան գոյապայքարի մասին

Վարդան Պետրոսյանը հայ-ադրբեջանական սահմանագծի ողջ երկայնքով վերջին օրերին ընթացող պատերազմի մասին նոր բանաստեղծություն է գրել։ «Վերջին բարձունքը» բանաստեղծության հրապարակումը հեղինակը վստահել է Yerkir.am-ին, որը ներկայացնում ենք ստորև․

     «Վերջին բարձունքը» 

Վերջին բարձունքն է ձեր առջև, տղե՛րք,

Ա՛յն, որ ձեր հոգում վերցրել եք արդեն,

Դավեր է նյութում թշնամին մեր նենգ,

Թլոր Դավթի պես խաղին չտրվեք:

Հիշե՛ք ձեզ նման լուսեղ քաջերին,

Ձեզ պես խոյացող բարձունքներն ի վեր,

«Վրե՜ժ» են տենչում նրանց հոգիներն

Եվ հուսով նայում ձեր վերջին կռվին:

Ձեր անցած ճամփին սրտեր են հուզվել ...

Մեր խնդությունը չփոխեք սգի

Ու չվերածեք անբառ մորմոքի

Հաղթության ասքը, որ դուք եք հյուսել:

Անվրե՛պ զարկեք մեր զարկը վերջին,

Վերջին բարձունքի մարտն է սրբազան,

Եվ ոսոխն, ինչպես հողմածեծ գազան,

Ձեր առջև պիտի սողալով փախչի:

9. 10. 2020 թ.