ՏԵՍԱՆՅՈՒԹ․ Ուսանողները քայլերթով պահանջում են ուսման վարձերի մասնակի փոխհատուցում

Ուսման վարձերի մասնակի փոխհատուցման պահանջով՝ մի խումբ ուսանողներ Երևանի պետական համալսարանի գլխավոր մասնաշենքից քայլերթով եկել են Կառավարության շենք՝ հայտնում է Yerkir.am-ը:

Նրանք 5000-ից ավելի ստորագրություններ են հավաքել։ Նրանք նշեցին, որ հեռավար կրթությունը եղել է անորակ և իրենք տուժել են, այնինչ այժմ ստիպված են վճարել գումար՝ դրա դիմաց համարժեք կրթություն չստանալով:

Համաճարակային պայմաններում տուժել են նաև նրանց ծնողները՝ հարկադիր պարապուրդի մատնվելով, ինչն էլ ավելի է բարդացնում ուսման վարձի վճարումը:

Կառավարության աջակցության ծրագիրը, նրանց խոսքով, կազմվել է ոչ թե սոցիալական, այլ կրթական բաղադրիչով, ինչից նրանք բավարարված չեն։

«Կարծում եմ, Կառավարությունը պետք է իր հոգածության տակ գտնվող կրթության ոլորտը ուշադրության կենտրոնում պահի և ուսանողներին ընդառաջի, որ ֆինանսական խնդիրների պատճառով կրթությունից չզրկվի: Կրթությունը մեր ապագան է, և դրա վրա կատարված ցանկացած ներդրում արդարացված է»,- ասաց ԵՊՀ ՈՒԽ նախագահ Դավիթ Ափոյանը:

Նրանք նշեցին, որ առաջին կուրսեցիների համար վարձը թանկացել է մինչև 160 հազար դրամով։

Մանրամասն՝ տեսանյութում․