Սիրիայում հետ են մղել Հոմսի նահանգի օդանավակայանի վրա հրթիռային գրոհը

Սիրիայի հակաօդային պաշտպանության համակարգերը խոցել են թշնամու թիրախները Հոմսի նահանգի արևելքում. հայտնում է «ՌԻԱ Նովոստի»-ն:

«Իհբարիա» հեռուստաալիքի տվյալներով՝ Իսրայելը հարված է հասցրել Տիֆոր ռազմաբազայի ուղղությամբ:

«Մեր հակաօդային պաշտպանությունը հետ է մղել գրոհը՝ խոցելով թիրախների մեծ մասը:  Հասցվել է նյութական վնաս»,- ասվում է հաղորդագրության մեջ:

Օգոստոսի 2-ին սիրիական ԶԼՄ-ները նաեւ հաղորդել են, որ իսրայելական ինքնաթիռները հարվածներ են հասցրել Դամասկոսի հարավային արվարձանի ռազմական օբյեկտներին: Իսրայելական բանակը հրաժարվել է մեկնաբանություններից:

Իսրայելական կողմը կանոնավոր կերպով գրոհներ է իրականացնում Սիրիայի օբյեկտների վրա՝ իր գործողությունները բացատրելով այն բանով, որ ձգտում են թույլ չտալ, որպեսզի ժամանակակից սպառազինությունները հայտնվեն թշնամու ձեռքում: Առաջին հերթին խոսքը լիբանանյան «Հըզբոլլահ» շարժման մասին է, որը տարածաշրջանում կռվում է Բաշար Ասադի կողմում եւ վերահսկվում Թեհրանի կողմից:

Սիրիայի եւ Իսրայելի միջեւ չկան դիվանագիտական հարաբերություններ. երկու պետությունների ստեղծման ժամանակներից նրանք գտնվում են պատերազմական վիճակում: Մասնավորապես՝ նրանք բազմամյա տարածքային վեճ ունեն Գոլանի բարձունքների կարգավիճակի պատճառով: