Գերմանիան դեմ է հանդես եկել ՌԴ-ին G7 հրավիրելուն

Գերմանիայի ԱԳ նախարար Հայկո Մաասն ասել է, որ իր երկիրը դեմ է հանդես գալիս Ռուսաստանին Մեծ յոթնյակի կազմ վերադարձնելու առաջարկներին. այս մասին նա հայտարարել է Rheinische Post-ին տված հարցազրույցում։

Մաասը, մասնավորապես, նշել է. «Ռուսաստանին բացառելու պատճառը կապված է եղել Ղրիմի բռնկցման և Ուկրաինայի արևելյան հատվածում իրականացված միջամտության հետ։ Քանի դեռ այդ հարցը լուծված չէ, ես Ռուսաստանին հրավիրելու հնարավորություն չեմ տեսնում», ու շեշտել՝ Գերմանիան աջակցում է Դոնբասի հարցով Մինսկի համաձայնագրերի իրագործմանը, սակայն շարունակում է Ղրիմը համարել Ուկրաինայի մաս։

Բացի այդ՝ Մաասը հաստատել է G7-ին և G20-ին Բեռլինի հանձնառությունը և հայտարարել, որ երկիրը դեմ է հանդես գալիս այդ ձևաչափերի ընդլայնմանը։