Ադրբեջանում կարանտինը կերկարաձգվի մինչև օգոստոսի 5-ը

Մինչև հուլիսի 20-ը Ադրբեջանի մի շարք քաղաքներում և շրջաններում ներդրված խստացված կարանտինի ռեժիմը կերկարաձգվի ևս երկու շաբաթով: Այս մասին հայտարարել է Նախարարների կաբինետում գործող Օպերատիվ շտաբի անդամ Շահմար Մովսումովը՝ Ադրբեջանի պետական հեռուստատեսության (AzTV) եթերում:

«Ցավով պետք է նշեմ, որ Օպերատիվ շտաբում տեղի ունեցած բազմաթիվ քննարկումներից հետո որոշ որոշումներ են կայացվել երկարաձգելու կարանտին ռեժիմը: Կարանտինի ռեժիմը կերկարաձգվի ևս երկու շաբաթ: Մենք դա պետք է անենք», - ասել է Մովսումովը:

Նախարարների կաբինետի որոշմամբ՝ մինչև հուլիսի 20-ը, ժամը 06: 00-ն ընկած ժամանակահատվածում, խիստ ռեժիմ է մտցվել երկրի խոշոր քաղաքներում։