ՏԵՍԱՆՅՈՒԹ․ ԵԱՀԿ գործող նախագահի անձնական ներկայացուցիչի ու ՀԱՊԿ գլխավոր քարտուղարի հետ կապի մեջ ենք․ արտգործնախարար

Երեկվանից մենք մշտական կապի մեջ ենք համանախագահ երկրների հետ և ԵԱՀԿ գործող նախագահի անձնական ներկայացուցիչի հետ՝ ըստ Yerkir.am-ի հայտարարեց ՀՀ արտգործնախարար Զոհրաբ Մնացականյանը կառավարության արտահերթ նիստում՝ արձագանքելով Նիկոլ Փաշինյանի խոսքին, որ հայ-ադբեջանական սահմանին հակառակորդի կողմից իրականացվող գործողությունների վերաբերյալ հայկական կողմը տեղյակ է պահել միջազգային գործընկերներին։

«Տեղեկատվության փոխանակման ու համակարգման առումով այդ աշխատանքը շարունակական է և հիմա էլ է շարունակվում։ Դրան զուգահեռ մենք կապի մեջ ենք ՀԱՊԿ գլխավոր քարտուղարի և նաև ՀԱՊԿ անդամ պետությունների հետ։ Եվ սա նույնպես շարունակական է, և այդ առումով մեր աշխատանքը բոլոր մնացած գործընկերների հետ շարունակվում է։ Մենք թափանցիկորեն տեղեկացնում ենք ընթացքի, բոլոր այն զարգացումների մասին, որոնք տեղի են ունենում այդ ուղղությամբ»,-ասաց Զոհրաբ Մնացականյանը։

Վարչապետը վստահեցրեց, որ Հայաստանի Զինված ուժերը տիրապետում են իրավիճակին․ «Եվ որևէ կասկած չկա, որ մեր Զինված ուժերն ի վիճակի են և կպահպանեն ՀՀ սահմանների անձեռնմխելոիթյունը»։

Մանրամասն՝ տեսանյութում․