Թուրքիան Բոլթոնի գիրքն անվանել է մանիպուլյատիվ և մոլորեցնող

Սպիտակ տան ղեկավարի՝ Ազգային անվտանգության հարցերով նախկին խորհրդատու Ջոն Բոլթոնի գիրքը, որը պարունակում է Թուրքիայի և Միացյալ Նահանգների նախագահների միջև հարաբերությունների մասին տեղեկություններ, մանիպուլյատիվ և մոլորեցնող է. այս մասի  հայտարարել է Թուրքիայի նախագահականի Հաղորդակցության բաժնի ղեկավար Ֆահրեթթին Ալթունը:

Երեքշաբթի լույս է տեսել Բոլթոնի հուշերի գիրքը, որում նա նկարագրում է Սպիտակ տանը 2018-2019 թվականների իր աշխատանքը: Համաձայն Բոլթոնի գրքի՝ ԱՄՆ նախագահ Դոնալդ Թրամփը 2018-ին հրավիրել է իր թուրք գործընկեր Ռեջեփ Թայիփ Էրդողանին՝ օգնելու ԱՄՆ-ի Արդարադատության դեպարտամենտի հետաքննությանը՝ ընդդեմ թուրքական պետական Հալքբանք բանկի, որը մեղադրվում էր հակաիրանական պատժամիջոցները խախտելու մեջ: Բացի այդ, ըստ Բոլթոնի, Թրամփը, անտեսելով «Կոնգրեսի վրդովմունքին», հրաժարվել էր պատժամիջոցներ կիրառել Թուրքիայի դեմ՝ ռուսական S-400 հակաօդային պաշտպանության համակարգեր գնելու համար:

«ԱՄՆ նախկին բարձրաստիճան պաշտոնատար անձի հեղինակած գրքի վերջին հրապարակումը ներառում է ապակողմնորոշիչ, միակողմանի և մանիպուլյատիվ տեսակետներ մեր նախագահ Էրդողանի՝ ԱՄՆ-ի նախագահ Թրամփի հետ ունեցած զրույցների վերաբերյալ», - գրել է Ալթունը Twitter- ում:

Նա վստահություն է հայտնել, որ թուրք-ամերիկյան հարաբերությունները կհաղթահարեն դա: «Նախագահ Էրդողանը կշարունակի իր անկեղծ և ուղիղ զրույցները նախագահ Թրամփի հետ», - հավելել է Ալթունը: