Կանանց. Վարուժան Ղազանչյան

Բանաստեղծ, հրապարակախոս Վարուժան Ղազանչյանը գրում է.

«ԿԱՆԱՆՑ (շարունակություն)

Իմ նախորդ՝ կանանց վերաբերող փոքրիկ հոդվածներում արտահայտած մտքերի հետ ոչ բոլորը համաձայն եղան:

Բայց այդ անհամաձայնությունը, իմ կարծիքով ավելի շուտ գալիս է թյուրընբռնումից:

Ես անձամբ համաձայն եմ ձեր արտահայտած բոլոր մտքերի հետ:

Իհարկե կան ինձ համար վիճելի ձևակերպումներ, այն էլ տղամարդու կողմից արված (Դավիթ Վանյան):

Օրինակ նա գրում է. «տղամարդիկ ցանկանում են առաջինը լինել, իսկ կանայք՝ միակը»:

Հազար ներողություն, բայց ես էլ կգերադասեյի միակ լինելը, առնվազն իմ կնոջ համար (չէ որ միակ լինել նշանակում է լինել և առաջինը, և վերջինը) կամ որ շատ են լավ կին բանաստեղծուհիները, նույնպես համաձայն չեմ, որովհետև կարծում եմ, որ քիչ են ընդհանրապես լավ բանաստեղծները (այսինքն նաև տղամարդ):

Գրել կարեցողները (դա իրենք կոչում են Աստծո շնորհ) գուցե և շատ են, բայց իրենց ուրույն ձեռագիրն ու ոճը ունեցողները անչափ քիչ են:

Տեսեք հնարավոր է շփոթել ասենք Սևակին՝ Սահյանի հետ: Չարենցին, Տերյանին ճանաչում ես հենց առաջին տողերից:

Իսկ մերօրյա պոետների (անկախ սեռից) մեծամասնության՝ ոտանավորների տակ մինչև անուն ազգանունը չկարդաս, չես իմանա ում գործն է:

Եթե կինը պիտի ընտրի (իսկ շատ հաճախ ստիպված է) ընտանիք, թե կարերա՝ մեծամասնությունը ընտրում է ընտանիքը:

Համենայն դեպս ՝մեզ մոտ:

Իհարկե և´ կանայք, և´ տղամարդիկ տարբեր են լինում:

Կա չէ այսպիսի արտահայտություն. «Իսկական տղամարդ է, կամ իսկական կին է»: Եվ դա հնչում է որպես մեծագույն գովեստ: Եվ այդ իսկական տղամարդը երբեք ձեռք չի բարցրացնի կնոջ վրա:

Շատ բաներ կան, որ կանայք տղամարդկանցից ավելի լավ են անում:

Օրինակ՝ պետություն ղեկավարելը (պատերազմներ քիչ կլինեն):

Ինչպես տեսնում եք, ես չեմ թերագնահատում կանանց:

Հիմա ամենուրեք կանայք փորձում են ընդօրինակել տղամարդկանց՝ օրինակ՝ կան կին բոքսյորներ, կին ծանրամարտիկներ: Չեմ կարծում թե դա լավ է, հետագայում մայրանալու առումով:

Կարող էի այս բոլորը չգրել, որովհետև հասկացողը հասկացել է, իսկ վիճել ցանկացողը հիմա էլ վիճելի ինչ որ բան կգտնի…

Բայց ինձ իսկապես հաճելի է մեր այս վիրտուալ շփումը:

Եվ ես գիտեմ, որ քաղաքակիրթ վեճը, շատ լավ միջոց է նոր գիտելիքներ ձեռք բերելու:

Սպասում եմ Ձեր արձագանքին…

Վարուժան»: