«Վեոլիա Ջուր»–ը կիրականացնի Արզնի 1 եւ 2 ջրատարների վթարի կանխարգելման աշխատանքներ

«Վեոլիա Ջուր» ընկերությունից տեղեկացնում են, որ կատարված ուսումնասիրությունների արդյունքում պարզվել է, որ քարաթափումների հետեւանքով Արզնի 1 եւ 2 ջրատարները տեղաշարժվել են, եւ ամեն պահի կարող է առաջանալ խողովակների խզում՝ իր բարդ հետեւանքներով։ 

«Մեր մասնագետների եւ խորհրդատվական ծառայություն իրականացնող ընկերության ներկայացուցչի հետ քննարկման արդյունքում որոշվեց հետագա վթարային իրավիճակից  խուսափելու համար իրականացնել Արզնիի 2-ջրատարների վթարի կանխարգելման աշխատանքներ՝ ջրատարների վթարի դեպքում Երեւանը երկարատեւ չջրազրկելու համար։

Հաշվի առնելով լավագույն արդյունաբերական պրակտիկան եւ կիրառվող տեխնիկական ստանդարտներն ու ինժեներական պահանջները՝ «Վեոլիա Ջուր»–ը միջոցներ է ձեռնարկում քաղաքացիներին նվազագույն անհարմարություն պատճառելու եւ վթարի կանխարգելման աշխատանքները հնարավորինս կարճ ժամանակահատվածում իրականացնելու համար»,- ասվում է հաղորդագրությունում։