Գագիկ Ծառուկյանը տանն է. խուզարկություններ են իրականացվում նաև ԲՀԿ գրասենյակներում. Ա. Աբովյան

Սա ակնհայտորեն քաղաքական հետապնդում է, այստեղ երկրորդ կարծիք լինել չի կարող։ Այս մասին այսօր՝ հունիսի 14–ին, լրագրողների հետ զրույցում ասաց ԱԺ «Բարգավաճ Հայաստան» խմբակցության պատգամավոր Արման Աբովյանը, որն առավոտից ԲՀԿ մյուս պատգամավորների հետ գտնվում է Գագիկ Ծառուկյանի առանձնատան մոտ, որտեղ այս պահին խուզարկություն է իրականացնում ԱԱԾ–ն։Նշենք, որ Ծառուկյանի առանձնատան մոտ բազմաթիվ աջակիներ են հավաքվել։

Աբովյանի խոսքով՝ Գագիկ Ծառուկյանն այս պահին տանն է գտնվում։

Նշենք, որ պատգամավորների խոսքով, իրենց տեղեկություններով խուզարկությունը կապված է 2017 թվականի ընտրություններում Մարտունիից մեծամասնականով առաջադրված թեկնածուի մոտ գտնված ինչ–որ փաստաթղթի հետ։ Այնուամենայնիվ, պատգամավորները վստահ են, որ սա քաղաքական հետապնդում է՝ կապված Ծառուկյանի հնչեցրած քննադատության հետ, փորձում են լայնածավալ ճնշումներով իրենց լռեցնել։

Արման Աբովյանի խոսքով՝ այս պահին խուզարկություններ են իրականացվում նաև իրենց կուսակցական գրասենյակներում, մասնավորապես, Գեղարքունիքի գրասենյակում։