Վերջերս իմ «Հունդայի» ավտոմեքենան վաճառեցի եւ գումարը պահում եմ բանկում դրամով. Փաշինյան

Մարդիկ նախընտրում են իրենց ավանդները ավելի շատ դրամով պահել, նաև վարկերը դրամով վերցնել: Այս մասին այսօր՝ մայիսի 16-ին ասուլիսի ժամանակ նշեց ՀՀ վարչապետ Նիկոլ Փաշինյանը:

«2019-ին բանկերի կողմից տրված վարկերի դոլարիզացման  մակարդակը կազմել է 53 տոկոս, նախորդ տարվա 59 տոկոսի փոխարեն: Ավանդների դոլարիզացման մակարդակը 2019-ին կազմել է 59,3 տոկոս,  նախորդ տարվա 60 տոկոսի փոխարեն: Իսկ 2017-ին այդ ցուցանիշը 62,4 տոկոս է եղել: Սա նշանակում է, որ մարդիկ ավելի ու ավելի շատ են վստահում դրամին:

Ես էլ նույն կերպ եմ վարվում. վերջերս իմ «Հունդայի» մակնիշի ավտոմեքենան վաճառեցի և դրանից ստացված գումարը պհում եմ բանկում դրամով:

Կարծում եմ՝ պետք է մեր ազգային դրամին վստահությամբ վերաբերվենք»,- ասաց Փաշինյանը: