ԵԱՀԿ-ն դադարեցնում է մշտադիտարկումը. պատճառը՝ կորոնավիրուսն է

ԵԱՀԿ գործող նախագահի անձնական ներկայացուցիչ Անջեյ Կասպրշիկը հանդես է եկել հայտարարությամբ ու տեղեկացրել՝ ԵԱՀԿ-ն դադարեցնում է մշտադիտարկումը. հայտնում է Yerkir.am-ը։

Նա, մասնավորապես, նշել է.

«COVID-19-ի տարածմամբ պայմանավորված ընթացիկ իրավիճակը հանգեցրել է ողջ տարածաշրջանում միջազգային սահմանների փակման, ներքին և միջազգային ուղևորությունների սահմանափակումների, ինչպես նաև վարակման ռիսկի նվազեցմանն ուղղված՝ դեմ առ դեմ շփումներից խուսափելու սահմանափակումների։

Վերոհիշյալը հաշվի առնելով և կողմերի հետ խորհրդակցելուց հետո ԵԱՀԿ մշտադիտարկումները կդադարեցվեն այնքան ժամանակ, քանի դեռ սահմանափակումները չեն հանվել:

Միևնույն ժամանակ ես շարունակում են կապ պահպանել համապատասխան զինվորական մարմինների հետ»,-ասված է հայտարարությունում։