Հայաստանում կորոնավիրուսի 84 ախտորոշված դեպք կա. վարչապետ

ՀՀ վարչապետ Նիկոլ Փաշինյանը ֆեյսբուքյան ուղիղ եթերում տեղեկացրեց՝ Հայաստանում այս պահին կա կորոնավիրուսի ախտորոշված 84 դեպք: Նա մանրամասնեց՝ կորոնավիրուսը մեզ համար անցնում է թեթև սցենարով: Տարիքային առումով ռիսկային գոտում գտնվողները լավ են, գանգատներ չունեն. հայտնում է Yerkir.am-ը։ 

Ինչ վերաբերում է հիվանդների վիճակին, ապա նա նշեց՝ երկու անձ թոքաբորբ ունի, բայց այս պահի դրությամբ երկուսի վիճակն էլ լավ է, 36.5 ու 37.3 աստիճան ջերմություն ունեն:

26 մարդ էլ ունի 37-ից բարձր ջերմություն՝ 37.1 , 37.2 և 37.5, ընդամենը 6 հոգի ունեն 38 և ավել ջերմություն:

Հիշեցնենք՝ ավելի վաղ Հայաստանում կորոնավիրուսով վարակվածների թիվը հասել էր 78-ի։ ԴԵպքի առնչությամբ նախարարն ասել էր. «Ունենք հաստատված եւս 6 դեպք, որոնք կապված են արտադրամասում հայտնաբերված դեպքի հետ։ Դեպքերից 18-ը փաստացի եղել են առանց ցուցումների հետազոտված և մեր կարանտինում գտնվող քաղաքացիների մոտ»։