Երևանում և Ստեփանակերտում գումարվելու է ՀՅԴ Հայ դատի հանձնախմբերի և գրասենյակների խորհրդաժողով

Հայ դատի կենտրոնական խորհրդի նախաձեռնությամբ փետրվարի 24-28-ը Երևանում և Ստեփանակերտում գումարվելու է ՀՅԴ Հայ Դատի հանձնախմբերի և գրասենյակների խորհրդաժողովը, այս մասին Yerkir.am-ին հայտնում են ՀՅԴ հանրային կապերի գրասենյակից:

Խորհրդաժողովին կմասնակցեն Հայ դատի ավելի քան 20 հանձնախմբերից և գրասենյակներից, ինչպես նաեւ ՀՅԴ կուսակցական մարմիններից մոտ 50 ներկայացուցիչներ։

Համաժողովի օրակարգը ներառում է Հայ Դատի հանձնախմբերի և գրասենյակների աշխատանքների բոլոր ոլորտները՝ Արցախի հիմնախնդրից մինչև Հայոց ցեղասպանության միջազգային ճանաչում, հատուցումներ, Թուրքիա-Ադրբեջան հակահայ պայքար և այլն։ Կքննարկվեն նախորդ շրջանի աշխատանքները և անմիջական ապագայի ծրագրերը։

Փետրվարի 24֊ին Երևանում կկայանա խորհրդաժողովի բացումը։

Փետրվարի 25-ին խորհրդաժողովը կշարունակվի Ստեփանակերտում, ԱՀ Ազգային Ժողովի նիստերի դահլիճում։