Պեկինը հետաքննություն կանցկացնի թոքաբորբից բժիշկ Լի Վենլյանի մահվան կապակցությամբ

Չինաստանի Կոմունիստական կուսակցության Կարգապահության ստուգման կենտրոնական հանձնաժողովը Հուբեյի նահանգ կուղարկի տեսչական խումբ՝ 2019-nCoV կորոնավիրուսի հարուցած թոքաբորից բժիշկ Լի Վենլյանի մահվան եւ այն կասկածի պատճառով, որ տեղական իշխանություններն այդ հիվանդության բռնկման վաղ փուլում անտեսել են բժշկի հայտարարությունը: Փետրվարի 7-ին այդ մասին հայտնել է հակակոռուպցիոն կարգավորիչը։

«Կենտրոնական իշխանությունը որոշել է Հուբեյ եւ (նահանգի վարչական կենտրոն) Ուհան ուղարկել տեսչական խումբ, որը կանցկացնի բժիշկ Լի Վենլյանին վերաբերող համակողմանի հետաքննություն»,- ասված է հանձնաժողովի կայքում հրապարակված հակիրճ հայտարարության մեջ: Լի Վենլյանն այն ութ բժիշկներից մեկն է, որոնք առաջինն են նախազգուշացրել թոքաբորբի բռնկման մասին: Նա փետրվարի լույս 7-ի գիշերը մահացել է այդ հիվանդության հետեւանքով առաջացած բարդությունների պատճառով: Դեկտեմբերի 30-ին բժիշկը WeChat սոցիալական ցանցում հայտնել էր նոր հիվանդության հայտնաբերան մասին, «որը նման է ոչ տիպական թոքաբորբին»: Այդ հաղորդագությանն անմիջապես արձագանքել էին տեղի իրավապահ մարմինները, որոնք սկզբում նրան մեղադրել էին չստուգված լուրերի տարածման մեջ, հաղորդել է ՏԱՍՍ-ը: