ՈւԵՖԱ-ն հետաքննություն չի անցկացնի ֆուտբոլի Հայաստանի և Ալբանիայի հավաքականների միջև խաղի կապակցությամբ

ՈւԵՖԱ-ն Եվրո-2016-ի ընտրական մրցաշարի վերջին տուրի` Հայաստանի և Ալբանիայի հավաքականների միջև խաղի վերաբերյալ հետաքննություն չի անցկացնի. ՈւԵՖԱ-ն հայտնել է Vecernje Novosti-ին:

Ըստ Inserbia-ի` սերբական թերթի հարցին ի պատասխան, ասվել է.«ՈւԵՖԱ-ն շարունակ հետևում է իր հովանու տակ գտնվող բոլոր հավաքականների և ազգային առաջնությունների խաղերին։ Խոսքը մեկ մրցաշրջանում մոտ 32․000 խաղի մասին է, այդ թվում՝ Չեմպիոնների լիգայի և Եվրոպայի լիգայի հանդիպումների։ Եթե մենք նկատենք կասկածելի ու արտասովոր բան, անմիջապես կսկսենք հետաքննություն։ Անգամ այն խաղի դեպքում, որի վերաբերյալ դուք հարցում եք ուղարկել մեզ»: