Չեչնիայում 3 նոր քաղաք կհայտնվի. Կադիրով

ՌԴ կազմի մեջ մտնող Չեչնիայի Հանրապետության ղեկավար Ռամզան Կադիրովը հայտարարություն է  տարածել այն մասին, որ երկրի իշխանությունները մտադիր են Չեչնիայի երեք խոշոր բնակավայրի քաղաքի կարգավիճակ տալ. ըստ Yerkir.am-ի՝ հայտնում է ՌԻԱ «Նովոստի»-ն:

«Մենք մտադիր ենք Նաուր, Նովոգրոզնի, Սերնովոդսկ բնակավայրերին քաղաքի կարգավիճակ տալ, բայց դա հնարավոր կլինի միայն որոշակի ցուցանիշների հասնելուց հետո: Այս պահին մենք աշխատում ենք այդ ուղղությամբ: Ընդհանուր առմամբ, նոր քաղաքները բարենպաստ ազդեցություն կունենան հանրապետության վրա»,-  մամուլի ասուլիսի ժամանակ ասել է Կադիրովը:

Հիշեցնենք, որ ավելի վաղ Կուրչալոյը վերափոխվել էր քաղաքի: Չեչնիայում ևս 5 քաղաք կա` Գրոզնի, Գուդերմես, Արգուն, Ուրուս Մարթան ու Շալի: