2 նոր ռեկորդ. «Ջոկեր»-ը չի պատրաստվում զիջել իր դիրքերը

Թոդ Ֆիլիփսի «Ջոկեր» ֆիլմը՝ Խոակին Ֆենիքսի գլխավոր դերակատարմամբ, վեցերորդ շաբաթն է, ինչ գլխավորում է բրիտանական վարձույթը. ըստ Yerkir.am-ի՝ հայտնում է Screen International ամսագիրը:

«Ջոկեր»-ը դարձել է առաջին ֆիլմը վերջին 10 տարվա ընթացքում, որը 1.5 ամիս պահպանել է իր տեղն առաջին հորիզոնականում: Նույնանման ռեկորդ սահմանած վերջին ֆիլմը Ջեյմս Քեմերոնի «Ավատար»-ն էր, որն առաջին անգամ ցուցադրվել է 2009-ին և 10 շաբաթ շարունակ գլխավորել է բրիտանական վարձույթը:

Մեծ Բրիտանիայում «Ջոկեր»-ը վաստակել է 54.3 միլիոն ֆունտ ստերլինգ: Երկրում այն ճանաչվել է տարվա չորրորդ՝ առավել եկամտաբեր ֆիլմը, իսկ կինոյի պատմության մեջ՝ 30-րդը: