Մամուլի ազատության տեսանկյունից Հայաստանը 4 հորիզոնականով զիջել է դիրքերը

«Լրագրողներ առանց սահմանների» իրավապաշտպան կազմակերպությունը հրապարակել է աշխարհում մամուլի ազատության ցուցիչի վերաբերյալ 2014-ի զեկույցը:

Զեկույցում ներառված 180 երկրների շարքում Հայաստանը զբաղեցնում է 78-րդ տեղը, անցյալ տարի 74-րդն էր: Վրաստանը 84-րդ տեղում է, իսկ Ադրբեջանը՝ 160-րդ:

ԱՊՀ երկրների ցուցակում առաջատարը Մոլդովան է, Հայաստանն այստեղ երկրորդն է:

Լավագույն տասնյակում տեղ են գտել հետևյալ երկրները՝ Ֆինլանդիա, Նիդերլանդներ, Նորվեգիա, Լյուքսեմբուրգ, Անդորրա, Լիխտենշտեյն, Դանիա, Իսլանդիա, Նոր Զելանդիա, Շվեդիա։  Վարկանիշային աղյուսակը եզրափակում են Թուրքմենստանը, Հյուսիսային Կորեան, Էրիթրեան։