Իրաքի ոստիկանությունը գնդակահարել Է չորս բողոքավորի. Reuters

Իրաքի ոստիկանությունը Բաղդադում բողոքավորներին ցրելու նպատակով մարտական փամփուշտներ Է կիրառել, ինչի հետևանքով զոհվել Է չորս մարդ. ըստ Yerkir.am-ի՝ հայտնում է Reuters-ը՝ ոստիկանության եւ առողջապահության ոլորտի իր աղբյուրներին հղումով:

Այլ մանրամասեր դեռևս չեն հաղորդվում:

Հիշեցնենք, որ Իրաքում հոկտեմբերի սկզբից շարունակվում են բողոքի ակցիաները կենսապայմանների վատթարացման, գործազրկության աճի և կոռուպցիայի դեմ: Մարդիկ Բաղդադում, ինչպես նաև հարավային ու հյուսիսային նահանգներում պահանջում են կառավարության հրաժարականը:

Խաղաղ մեկնարկով հանրահավաքներն արագ տեմպերով վերաճել են ոստիկանների և զինծառայողների հետ բախումների: Անկարգությունների մեկ ամսվա ընթացքում երկրում զոհվել Է ավելի քան 250 մարդ, տուժել՝  ավելի քան 11 հազարը: