Ռոբերտ Քոչարյանին կրկին տեղափոխել էին «Իզմիրլյան» ԲԿ. նա արդեն քրեակատարողական հիմնարկում է

ՀՀ երկրորդ նախագահ, Մարտի 1-ի գործով մեղադրյալ Ռոբերտ Քոչարյանին հոկտեմբերի 3-ի առավոտյան «Երևան-Կենտրոն» քրեակատարողական հիմնարկից կրկին տեղափոխել են «Իզմիրլյան» բժշկական կենտրոն: «Արմենպրես»-ի հետ զրույցում այս մասին ասաց ՀՀ արդարադատության նախարարության քրեակատարողական վարչության հանրային կապերի բաժնի պետ Նոնա Նավիկյանը:

«Նրան տեղափոխել են հետազոտության համար և հենց նույն օրն էլ նորից վերադարձրել «Երևան-Կենտրոն» քրեակատարողական հիմնարկ»,- նշեց ՔԿ վարչության  հանրային կապերի բաժնի պետը:

Հարցին՝ արդյոք առողջական որևէ խնդիր կա՞ կամ ինչ հետազոտություն է անցել Քոչարյանը՝  Նավիկյանն ընդգծեց, որ անձնական տվյալներ են, որոնք չի կարող բարձրաձայնել:

Ռոբերտ Քոչարյանը սեպտեմբերի 30-ի առավոտյան նույնպես տեղափոխվել էր բժշկական հաստատություն բուժզննման համար և հենց նույն օրն էլ վերադարձել էր ՔԿ: