Բրիտանիան կհամագործակցի ԱՄՆ-ի հետ Հորմուզի նեղուցում առևտրային նավերի անվտանգությունն ապահովելու համար

Մեծ Բրիտանիայի ծովային ստորաբաժանումները միացել են Միացյալ Նահանգների գլխավորությամբ միջազգային կոալիցիային՝ Հորմուզի նեղուցի ջրային տարածքը հսկելու նպատակով՝ տվյալ տարածաշրջանում նավագնացությունը պաշտպանելու համար: Այս մասին տեղեկացնում է  News Sky-ը՝ վկակոչելով Մեծ Բրիտանիայի պաշտպանության նախարարության հայտարարությանը:

Հայտարարության մեջ, մասնավորապես, նշված է. «Թագավորական նավատորմը կհամագործակցի ԱՄՆ ռազմածովային ուժերի հետ Հորմուզի նեղուցում առևտրային նավերի անվտանգությունն ապահովելու համար»:

Հավելվում է` Լոնդոնը նման որոշում է կայացրել վերջին չորս ամսվա ընթացքում տարածաշրջանում տեղի ունեցած իրադարձությունների պատճառով, այդ թվում Մեծ Բրիտանիայի դրոշի ներքո նավարկող «Stena Impero» լցանավի կալանումը, ինչը նախազգուշացնում է առևտրային նավագնացությանն ուղղված սպառնալիքի մասին:

Ավելի վաղ տեղեկացրել էինք, որ Հորմուզի նեղուցում «Stena Impero» բրիտանական լցանավը կալանքի տակ առնելու մասին հայտնի էր դարձել հուլիսի 19-ին: Իրանի իշխանությունները հայտարարել էին` պատճառ է դարձել «միջազգային օրենքների խախտումը»: