ԱՄՆ-ը կոալիցիա է ստեղծում Հորմուզի նեղուցում պարեկություն իրականացնելու համար

ԱՄՆ պետքարտուղար Մայք Պոմպեոն հայտարարել է, որ ԱՄՆ-ը կոալիցիա է ստեղծում Հորմուզի նեղուցում պարեկություն իրականացնելու համար. հայտնում է Коммерсантъ-ը:

«Մենք կոալիցիա ենք ստեղծում, որը կապահովի ծովային ուղիների աշխատանքը»,- ասել է նա:

«Նախագահը հստակ հասկացրել է, որ Իրանի հետ պատերազմ չի ցանկանում, մենք ուղղակի ցանկանում ենք, որպեսզի նրանք հրաժարվեն աշխարհով մեկ ահաբեկչական ակտիվությունից»,- ասել է Պոմպեոն:

Հիշեցնենք, որ Ջիբրալթարում օրեր առաջ ձերբակալվել էր իրանական նավթատար նավ: Օրեր անց իրանական կողմը ձերբակալեց բրիտանական նավթատար նավ, որը բախվել էր երկրի ձկնորսական նավի հետ: Թեհրանում ասում են, որ նավի անձնակազմը ազատ կարձակվի միայն հետաքննության ավարտից հետո: