Թուրքիայի նախագահականը Հայոց ցեղասպանության վերաբերյալ հայտարարություն է տարածել

Թուրքիայի նախագահի աշխատակազմի կապերի վարչության նախագահ Ֆահրեթթին Ալթունը հայտարարություն է տարածել Հայոց ցեղասպանության վերաբերյալ:

Իր թվիթերյան էջում նա մասնավորապես նշել է. «1915 թ. դեպքերը ճշմարտության լույսի տակ պետք է ուսումնասիրվեն` առանց քաղաքական շահարկումների ենթարկելու, և պետք է հրաժարվել երրորդ երկրների միակողմանի շահարկումների վրա հիմնված գաղափարական տեսակետներից:

1915 թ. դեպքերին ուղղված կառուցողական և հավասարակշռված մոտեցում պետք է որդեգրել և միայն մի կողմի տեսակետների փոխարեն պետք է հաշվի առնել, որ երկու կողմերն էլ ունեցել են կորուստներ և ցավեր:

800 տարի միասին գոյակցած թուրքերն ու հայերն այսօր հավաստի երկխոսությամբ անլուծելի խնդիր չունեն: Բավական է թույլ տանք, որ գաղութարար ուժերը փորձեն, այսպես կոչված, Հայոց ցեղասպանության պնդումներով մեր երկրին դաստիարակիչ դասեր տալ և պատմությունը սևացնել:

1915 թ. դեպքերի վերաբերյալ,աշխարհում չկա ոչ մի քաղաքական, ակադեմիական միակարծության և իրավական որոշում, որն ապացուցում է, որ դա ցեղասպանություն է»: