ՀՀ-ում առանց խախտումների 00:00-ին ՀՀ Օրհներգի հեռարձակումը շատ հաճախ օրենքի դրույթի ապահովումն ահնար է. ՀՌՀ նախագահ

Այսօր ԱԺ-ում «Հայաստանի հեռուստատեսության և ռադիոյի ազգային հանձնաժողովի գործունեության մասին» հաշվետվությունը ներկայացնելիս՝  ՀՌՀ նախագահ Տիգրան Հակոբյանը ԱԺ ամբիոնից, պատասխանելով պատգամավորների հարցերին, հայտարարեց, որ  շատ հաճախ օրենքի դրույթի ապահովումը, որը ենթադրում է Հայաստանում առանց խախտումների 00:00-ին ազգային օրհներգի հեռարձակում, գրեթե անհնար է:

«Պատկերացրեք միջազգային ֆուտբոլային հանդիպում է: Մեսին ստացել է գնդակը, վտանգավոր պահ է առաջանում, նա պատրաստվում է խփել և այդ պահին հանդիպումն ընդհատվում է ազգային հիմնով: Դա չի կարող ուրախացնել երկրպագուներին, մեր քաղաքացիներին: Ընդհակառակը՝ դա նյարդայնացնում և հակակրանք է առաջացնում», - ասաց Հակոբյանը: